ياصاحبي يجمل من الضحكة على وجه الصغير
وأجــمــل من الوردة أذا ذاب الــنـــدى بغصونها
ياصاحبي لا قــلت لــي يـسـعـد صباحك يا أميــر
كن الســـحابـــه تـنـثـني يمي تـــــهـل امزونــها
ياصاحبي لايـهمـــــــك الحكي القليل امن الكثيـر
دام القـــوافــــل ماشيه لاتــلتـفت لطعــونـــها
لولا وجود السهل ماكان التمـيز بالعــســــير
الله يا محلى الصعب لاصار لاجل اعيونها
ارقى على قمة هرم شامخ ويرتاح الضمير
واستمتع بدنياك واختر ماتحب. اللحونها
يا صاحبي من علم النرجس اذا شافك يغير
غير الحضور الطاغي المبهر يبدل لونـها
احرجتي اسكون المساء بطلتك يا البدر المنير
واستوطن النور الجميل ابهوها واركـــونها
احيان به أول وبه ثاني وبه قبل الأخـيــر
وأنت اختصرت الكل في نعناعها وليمونها
* أمير بطبعي 12/12/2010م