الجزء العاشر
بيوم العمليه *~*
دخل الدكتور ع فهد بالغرفه وهو يقول:السلام عليكم
فهد كان مرتبك وقال:وعليكم السلام
الدكتور:هاه عساك بخير
فهد:الحمد لله
الدكتور وهو مستعجل:زيين الحين ننقلك لغرفة العمليات وتبدا العمليه بعد ربع ساعه مستعد؟
فهد سكت شوي وتنهد وقال بإرتياح:إيه مستعد
الدكتور:اهلك وين؟؟
فهد امس موصي ع اهله لا يجوون ابد الا بعد العمليه قال للدكتور:مشغولين ما راح يجون
الدكتور:زين الحين ينقلونك الممرضات
دخلو مجموعه ممرضات وحركو سريره وطلعوه من الغرفه واتجهو لغرفة العمليات فهد كان مغطي راسه بالغطى ويتنفس بعمق لأنه كان مرتبك حيييل قفل عيونه وصار يحاول ينسى العمليه وجات ببالة صورت روان يوم شافها شلون كانت تعباااانه حييل
ابتسم وقال بخاطره:يارب يروح هالتعب للأبد
دخلوه غرفة العمليات وحس ببرودتها وعوورة بطنه حيل نقلوه ع سرير العمليه وطالع بالدكتور اللي كان لابس ابيض واخظر ومعاه الممرضين
شوي سمعه يقول له:فهد استرخي
تنهد فهد وصار يحاول يهدي نفسه ويقول بخاطره:يلا خلاص ما بقى شي خلى حمود ينشال همه
شوي سمع الدكتور يقول للممرض:حط كمام المخدر ع انفه
حط الممرض الكماام وبدا المخدر يدخل لجسم فهد اللي صار يسمع الأصوات تتداخل ببعض وصجه قويييه وبعدها قال بإستسلام وبصوت متقطع:يااارب.. كوون.. بعونها..وع..وعوني..!!
وتخدر بالكااامل وبدا الدكتور شغله
... ... ... ... ... وتستمر العمليه
احمد عرف ان المتبرع بغرفة العمليات وصار جالس هو واخوانه عند روان يسولفون معاها عشان ينسونها ارتباكها وتوترها
وهي بعد صارت تتناسى هالشي
.. ... .. ... .. ...بعد خروج فهد من غرفة العمليات
دخلت الممرضه ع روان وهي مبتسمه وقالت:يلا دورك
ابتسمت روان بس كانت مرتبكه حييل
قام احمد وباس جبهتها وقال:يلا عاد رورو لا تتوترين بتطلعين بإذن الله بصحتك وترتاحين من جهاز الغسيل
روان رجع لها الأمل اللي فقدته طوال هالسنه وقالت وهي تبتسم:إن شااء الله
حركو الممرضات سريرها وهي طالعت بأخوانها وامها وقالت لهم ودموعها بعيونها:أحبببكم
ابتسمو اخوانها وامها اما خالد قام وصار يمشي معاهم لين وصلو لغرفة العمليات ودخلوها وجلس هو قريب من الغرفه وصار ينتظر بفارغ الصبر
...
عند فهد بغرفة الإفاقه
فهد فتح عيونه بعد ما مر ع خروجه من العمليه 5 ساعات وصار يطالع بالسقف وحاس انه مو مستوعب شي
شوي الا دخل ممرض وهو يقول:السلام عليكم
فهد بتعب:وعليكم السلام
حط له ابره بيده موصله بإنبوب لجهاز تسكين الألم الذاتي
وصار يدربه ع التنفس بدون كمامه الأكسجين
شوي الا معدل نبضات قلبه يزيد بطريقه فضيعه طالع الممرض بوجه فهد وفهد قال وهو يتنفس بسرعه:طلعت ولا باقي
المرض عرف انه متوتر وقال:المريضه باقي لها ساعتين وتطلع
زاد نبضه والممرض قال بعصبيه:ما يصير تتوتر ظغطك ارتفع بعدين بيصير لك نزيف داخلي
تنهد فهد وصار يبي يقلل من توترة بس ما فاد واضطر المرض يستدعي الدكتور
جا الدكتور وصار يحاول يهدي فهد بس فهد متوتر حيييل طالع بالممرض وقال له:اعطيه ابرة مهدئة
الممرض:اوكي
راح وجاب الإبره وحقنها بذراع فهد وبدا يهدى ونااام
...
بعد ساعتين
طلعت روان من غرفة العمليات ودخلوها لغرفة الإفاقه ودخلت ممرضه عندها وصارت تشيك عليها
وبعدها طلعت من عندهم وطمنت اهلها والدكتور ان حالتها مستقره والعملية ناجحه 100%
فرحو اخوانها حيييل وامهم صارت دموعها تنزل وتحمد ربها
عند فهد فاق من المهدئ ولقى الممرض عنده ويقول وهو مبتسم:طلعت المريضه والعمليه ناجحه 100% الف مبروك
تنهد فهد بإرتياح وقفل عيونه وهو يقول بخاطره:زين سويت اللي علي والباقي ع الله ياارب بس اكون تخلصت من ذاك الشعور
...
اهل روان كلهم عندها وينتظرونها تفوق
الا خالد مو موجود
احمد:وين خالد
سعود:قال لي بيروح مشوار وراجع
خالد مو مرتاح ويبي يعرف مين اللي تبرع لها
راح للدكتور اللي سوى العمليه وقال له:السلام عليكم
الدكتور:وعليكم السلاام مين
خالد:انا اخو روان اللي سويت لها العمليه اليوم
الدكتور وهو يسلم عليه:هلا والله الحمد لله ع سلامتها
خالد:الله يسلمك
الدكتور وهو يجلس ع المكتب:بغيت شي؟
خالد ما جلس وقال:ايه بغيت اسألك عن المتبرع
الدكتور يحسب انه يسأل عن صحته وقال:تمام الحمد لله توني مشيك عليه
خالد:الحمد لله بس ابي اعرف منو؟
الدكتور طالع فيه وتذكر فهد وهو يوصيه وقال:آسف اخوي موصي علي ما اقول لأحد عنه شي
خالد بإنفعال:دكتور لازم اعرف
الدكتور:أنا اسف ماقدر اقول لك
خالد تنهد وخرج وهو معصب وراح للدكتور اللي سوا لهم الفحوصات وقال:دكتور ممكن تعطيني ملف روان
الدكتور وهو مفجوع:ليه فيه شي
خالد:ابي اتأكد من حاجه ممكن
الدكتور عطاه ملفها وهو خايف يكون فيه شي وخالد طالع وقلب ما عجبه وقال بضيق:دكتور ابي الملف المرفق مع ملف المتبرع
الدكتور برضو قال:اخوي فيه شي غلط قول لي وانا اتصرف
خالد تأفف وقال:دكتور عطني الملف وانا بأتأكد بنفسي
طلع الدكتور الملف من الدرج وحطه قدامه وقال: تفضل
خالد فتح لقى ملف روان و لقى ملف ثاني مدبس فيه اول ما فتح الملف قرى"اسم المتبرع:فهد بن ............."
رجع وقرى الأسم مرة ثانيه وقال بخاطره:معقوله فهد هو اللي تبرع
حط الملف ع المكتب وقال:شكرا
الدكتور اخذ الملف وقال:عفوا
طلع خالد وع طووول راح للإستقبال وقال:اخوي ابي رقم غرفة المريض فهد بن .........
المسؤول:رقمها 222 بجناح زراعة الكلى قسم تنويم الرجال
خالد ع طووول راح لها وقف قدام باب الغرفه كانت غرفة خاصه دق الباب ماحد رد وفتح بشويييش شاف فهد منسدح ع السرير ومقفل عيونه قرب وصار واقف قربه وفهد ما فتح عيونه ما قدر يتحمل وخرج من الغرفه وجلس ع الكراسي وهو يقول:فهد ما غيره صديق احمد
قام ورجع لغرفة روان ع طوووول وجا بيدخل الا احمد خارج وقال له:صحيت روان؟؟
احمد:لا باقي ابنادي الممرضه تشوفها
خالد مسك احمد من ذراعه وقال له:زين احمد اسمعني
احمد وقف وقال وهو يطالع فيه:نعم
خالد:صديقك فهد وينه؟؟
احمد بثقه:بالدمام نقل دوامه هناك مؤقت
ابتسم خالد بسخريه وقال:هه شوفه متنوم هنا
احمد نزلت عليه صاعقه وقال بخوف:ليش فيه شي؟؟
خالد:لالا ابد بس هو اللي تبرع لروان
صاعقه ثانيه ع احمد وصار واقف ومصدوم ومايدري وش يقول
خالد قال:ياهيييه روح له شوفه بتنويم الرجال رقم غرفته 222
فك يده من يد خالد وراح ع طول للغرفه اللي قال له خالد
فتح الباب وطالع بالسرير صدق كان فهد اللي منسدح عليه وكان باين بوجهه انه تعباان
مسك حافه السرير وهو مصدوم وقال بصدمه:فـــــــهـــــــد
مسك يد فهد وصار يضغط عليها بالنهايه حس رجوله ما تحمله وجلس ع كرسي قريب منه
شوي الا فهد فتح عيونه بتعب وجات بعيون احمد
واحمد قال بذهول:فهد وش سوييت؟؟
فهد استوعب ان احمد قدامه وقال وهو يبتسم:وانت وش عرفك
احمد تنهد وقال:زين عرفت ليه ما قلت لي من اول
فهد:طيب تحمد لي بالسلامه بدال هالتحقيقات
تنهد احمد وطالع بفهد وحس بشعوووور غرييييب دموعه تجمعت بعيونه وفهد قال وهو يضحك ويشد ع يده:حموود ما سويت كذا الا عشان تخلص خزاناتك
احمد مسح دموعه وضم فهد وفهد جلس يضضضضحك ويقول:لا حمود لا يكون صار عندك فراغ عاطفي
بعد احمد عنه وضحك ومسح دموعه
ابتسم فهد وقال:هاه شلون اخوانك وامك؟؟
احمد:تماام كللهم
فهد:اهم شي ارتاحوو
احمد:إيه الحمد لله الله يريحك
فهد ابتسم وقال:يلا ان شاء الله ترتاحون للأبد
احمد:والله مادري شلون اردها لك فهد اللي سويته مو هين
فهد بسخريه:بس عاد روان اختي مثل ماهي اختك وحنا اصحاب ما بيننا هالكلام
احمد سكت وصار يطالع بفهد وما يدري وش يقول
شوي ابتسم فهد وقال:حمود
احمد:هلا
فهد:انت مرتاح الحين؟؟
احمد:إيه الحمد لله
فهد:خلاص اهم شي ذا
احمد ابتسم بوجه صديق عمره اللي ضحى بكليته عشان اخته وقال:الله يكتبها بموازين حسناتك
فهد:آميين يارب
احمد:إلا وينهم اهلك
فهد:مادري عنهم بيجون ماعليه
احمد:لا اقصد بجده ولا بالرياض
فهد:لا بالرياض موجودين
شوي الا الباب يدق
قام احمد وهو يقول:شكلهم جو يلا ابخليك تاخذ راحتك واذا احتجت شي انا موجود
فهد ابتسم وقال:تسسلم والله مع السلامه
احمد مع السلامه
فتح الباب وسلم ع ابو فهد وانور وتحمد لهم بسلامة فهد وراح لغرفة روان
...
تعالو نشوف وش صاربغرفة روان واحمد باقي عند فهد
ام روان وسعود وخالد كانو جالسين حول روان ويسولفون وهي باقي ما فاقت من التخدير
شوي الا تفتح عيونها بس ما شافه غير اشياء داخله في بعض
قفلت عيونها وصارت تسمع اصوات ناس بس مو مفهومه
سعود انتبه لها وقال:رورو صحيتيي؟
روان ما فهمت وش يقول وكانت تبي تتأكد انهم حولها ومو تاركينها وقالت بصوت متقطع وتعبان:يـ ـ ـمـ ـه ويننك
امها قالت وهي تمسك يدها بحنان:انا جنبك حبيبتي
مدت يدها الثانيه وكأنها تدور لأحد وقالت ببكوه:خااالد ويينه
خالد قرب منها ومسك يدها وقال وهو يضغط عليها ومن الفرحه خانته دموعه وقال بصوت متهدج:موجود رورو
ابتسمت روان وكأنه بدا يروح التخدير منها وسمعت صوت سعود وهو يقول بضحك:وانا لا اكون مختفي
ضحكت وفتحت عيونها بتعب وقالت:كلكم عندي؟
ابتسمو كلهم وقالت امها وهي تضمها وتبكي:الحمد لله اللي قومك بالسلامه الله لا يقدر عليك بمرض بعد هاليوم ولا يحرمني منك
ابتسمت روان وهي تضم امها ودموعها بعيونها وقالت وهي تطالع بأخوانها:وين حمود
خالد ابتسم بس باينه العبرة بوجهه زي اللي عنده كلام كثيير بس ما يعرف يعبر عنه ويبي يعبر عنه ببكااه وقال بغضه:شوي وجاي
ابتسمت وقالت له:شفيك خلود لا يكون متضايق
ابتسم خالد ونزلت دموعه وحضنها وما قدر بعدها ينطق بولا كلمه كللهم دموووع سعود تأثر من خالد ولف وجهه عنهم وهو يقول بخاطره:ما بكيت من يوم ما حلت هالمصيبه اجي ابكي يوم انحلت لا ما يصير
وصار يمسك نفسه بالحيييل ويسوي انه يضحك ع خالد وهو مفضوووح من عيونه
ابتسمت روان وقالت وهي تمسح دموع خالد:بس خلود الحمد لله انا بخيير
ابتسم خالد ومسح دموعه وقال بصوت واطي:الحمد لله
طالعت بسعود وقالت:وانت ما بتسلم؟
ابتسم سعود وسلم عليها وقال:الحمد لله ع سلامتك
روان:الحمد لله
استرخت وجلست تطالع بأهلها وبخاطرها تقول:يووه الحمد لله راح كابوس فراقكم من عقلي الله يديم هالشي
شوي تذكرة رغد صديقتها اللي كلمت امها وعرفت موعد العمليه طالعت بأمها وقالت:رغد دقت؟
امها:ايه دقت اول ما طلعتي من العمليه
شوي الا الجوال يدق ابتسمت امها وقالت وهي تعطيها الجوال:خذي هذي هي تدق
اخذته وردت بفرح:هلا والله
رغد وهي تمسك نفسها لا تبكي:هلا بك اخيرا سمعت صوتك وحشتيييني الحمد لله ع سلاامتك
روان:هههه وانتي اكثر الله يسللمك
رغد:هاه شلونك الحين
روان:تمام الحمد لله انتي شلونك من زماان عنك
رغد:الحمد لله تماام ما تصدقين قد ايش فرحت يوم عرفت انك بتسوين العمليه بس مين تبرع لك
روان:مادري والله يقول مايبي احد يعرفه
خالد يوم سمع روان تقول كذا طالع بأمه وقال بصوت واطي:عرفت منو اللي تبرع لها
امه وسعود بإهتمام وهي كانت مندمجه مع رغد:ميين
خالد جا بيقول الا الباب انفتح ودخل احمد وسكت وصار يطالع بملامح احمد اللي كان مبسوووط حييل ابتسم له وقال:هاه صحي
احمد:ايه جلست معاه شوي وجو اهله ورحت
خالد:شلون صحته؟
احمد:بخير الحمد لله
تنهد وهو يجلس وطالع بروان وامه وسعود محترقين من الفضول وسعود قال:منو تكلمو
احمد اشر له يسكت ويستنو روان لين ما تخلص مكالمتها
لف احمد وقال لسعود:مين يكلمها
سعود:صديقتها رغد
انتفض قلب احمد ولف وجهه بإرتباك لاحظ سعود هالشي وابتسم بخبث ولف وجهه عنه
شوي قفلت روان وتنهدت وقالت بفرحه وهي تمد ذراعينها:حمووود
ضحك احمد وقام وحضنهااا وقال:الحمد لله على سلامتك
روان:الله يسللمك يا احسن اخ بالدنيا
سعود طالع بخالد وقال:كالعاده بس يجي احمد تصفنا ع الهامش
خالد:هههههههههههه حمود ساحرها؟
احمد:هههههههه اعوذ بالله
ضحكت الأم ع خبال اولادها وقالت:هيا احمد انطق
احمد ضحك وقال:رورو تدرين مين متبرع لك ؟!!
روان بفضول:مين عرفت؟
احمد:ايه خالد عرفه وقال لي دوبني كنت عنده
روان بفضول وشوق:منو
احمد:خمني
روان بضحك:نعرفه ولالا
احمد:نعرفه
روان:خلاص اهم شي وعرفته
احمد:ههههههه ما تبي تعرفين منو بالشخخص
روان:بكيفك اذا تبي تقول ما احب اخمن
احمد ضحك وقال وهو يطالع بأمه:فهد صديقي
كلللهم مصدومييين واككثر شي روان لأنها تذكرة ذاك الموقف اللي شافها فييه حست قلبها انععصر ومسكت ع مكان العمليييه وعقدت حواجبها كانت تحس بجسمها كلله باارد ومكان العمليه كأنه بيتقططع وقالت وهي تتأألم:آآآه آآآه
لفو اخوانها وامها وهم مفجوعين وقال احمد وهو يمسكها:شفيك رورو
روان وهي تحس بدوخه:العملييه تعورني حيييل
خالد ع طول ضغط زر الممرضه وجات ع طول وهي تقول:ايش فيه
احمد:تعالي شوفي تعبانه
جات عند روان وهي تتألم وقالت:اوكي استرخي ما ترتبكييش<<مصريه هع هع
روان:تعورنيي
الممرضه:اوكي تنفسي بعمق
روان جات بتتنفس الا تحس بألم برئتينها وصرخت:آآآييي ماقدر اتنففس
الممرضه عرفت وش فيها بس تبي تتأكد وجابت جهاز ضغط الدم وركبته بيدها وقاست ضغط دمها كان مرررتفع حيييل وقالت بضيق:لازم تهدي ما يصحش كدا ضغطك مرتفع اوي
روان قفلت عيونها وهي وصلت حدها من الألم وبدت عمليتها تنزف حست بالدم بيدها وقالت:آآآآآآآآآآه
طالعت الممرضه وشافة الدم وقالت وهي مو عارفه تتصرف:ما تضغطي ع العمليه
سعود يفهم بهالمواقف لأن هذا تخصصه اللي يدرسه وقال وهو يشمر اكمامه بعصبيه:جيبي ابرة مهدئ ما فيه نفعه صراخك البنت بتنفتح عمليتها
تذكرة الممرضه صح كلامه وراحت ع طوول وهو مسك يد روان وبعدها عن العمليه وقال:رورو خلااص اهدي لا تضغطين عليها
شوي جات الممرضه واخذ سعود منها الإبره وهو حقن روان بها وقال يبي يهديها لأنها خافت:ما عليه مهدئ ولا ترتبكيين
الممرضه واقفه وفاتحه فمها وروان بدت تهدى وتدخل بنومها وقالت بصدمه:أنت دكتوور؟؟
سعود ضحك ع شكلها المصدوم وطالع بأهله بعد مصدومين وقال:شفيكم ما كأني ادرس طب
الممرضه وهي تخرج:ما شاء الله ربينا يوفئك
خالد ضربه ع ضهره بقوه وقال:والله وطلعت دافوور
سعود:كارف نفسي عشان ما اعرف اضرب ابرة مهدئه لا عز الله فاشل
احمد:ههههههههههههه والله نففتخر يا سعود
امه:ههههههه الله يوفقك يا ولدي
سعود:آميين يلا بس اطلعو من عندها خلوها ترتاح
احمد وهم يطلعون من عندها:زين وش اللي رفع ضغطها
خالد:مادري من يوم ما قلت ان فهد هو اللي تبرع لها
طالع سعود بأحمد وابتسم بخبث وقال:مثل يوم قلت لك انها تكلم رغد
انقلب وجه احمد وقال:لا بالله تستهبلون؟؟!!
اخوانه وامه:ههههههههههههههههه
وقال بضحك:مو حقت هالسوالف روان
خرجو من المستشفى وراحو للفندق يرتاحون
...
بالفندق
خالد منسدح ع السرير ويقلب بجواله طالع بدردشته هو واريج فاضيه من يوم ما اضافها ما كلمها ابد
طلع وفتح ملف تعريفها كانت صورتها
تنهد بضيق وارسل لها"اريج"
وصار يستناها ترد
هي كانت فاتحه جوالها وتكلم وحده من صحباتها شوي طلعت لها ماحدثته تحت وقرتها من دون ما تفتحها حسست بقلبها اننعصر قفلت محادثه صديقتها وحذفت محادثته من دون ما تفتحها
وهو صار ينتضرها ترد ما ردت رجع وارسل"اريييييييج"
وبرضو سوت نفس الحركه وحطت الجوال بغرفتها وراحت هي بالصاله
وهو صار يززعج ويدقق انننننتتحر بالنهايه قام وهو مو مرتااح ولا براسه نوم وخرج وراح لروان مرة ثانيه
...
اريج رجعت لغرفتها وفتحت جوالها وشافت مكالماته ورسايله حذفتها كلها وهي تتنهد وتقول:احذفها وكأنه ما عبرني مثل اول وارتااااح من حبه
شوي قالت:ما كلمت روان دقت ع جوال ام روان وع طول ردت:الو
اريج:هلا عمتي شلونك
عمتها:تمام الحمد لله انتي شلونك يابنتي
اريج:تمام والله عمتي روان صحيت ابي اكلمها
عمتها:والله يابنتي انا مو عندها انا بالفندق دقي ع غرفتها واذا انها صاحيه بترد عليك
اريج:زين كم رقم غرفتها
اعطتها عمتها الرقم وقفلت منها ودقت ع روان
عند روان دوبها تفيق من المهدئ وقاعده تسولف هي وخالد شوي الا التلفون يدق
خالد كان بيرد بس خاف تكون وحده من صحباتها وقال رورو ردي اكيد انه لك
اخذته روان وهي تقول:هلا
اريج:هلا بك عاش من سمع صوتك الحمد لله ع السلامه
روان بفرح:هلا والله الله يسللمك اخيرا سمعت صوتك ما بغيتي
اريج:ههههه يلا عاد احمدي ربك تذكرتك
روان:هههههه لا بعد تهاوشين
اريج:ههههههه شلونك عساك احسن بعد العمليه
روان:ايه احسن الحمد لله
اريج وهي تتنهد بفرح:الحمد لله اللي ريحك والله فرحت لك حييل
روان وهي تبتسم:الحمد لله والله لكم وحشه انتي وريم
خالد لقط الكلمه وعرف انها اريج وقال وهو يمسك يد روان:اريج الي تكلمك؟
روان هزت راسها وكملت كلامها مع اريج وعيونها ع خالد اللي انحااس وضعه
بعد ما قفلت منها طالعت بخالد وقالت:خيير خلود شفيك محتاس
خالد خاف يقول لها وينحااس وضعها مثل قبل شوي وقال:خليه بعدين رورو لا تبتلشين الحين
روان تذكرة فهد ولفت وجهها عن خالد ما تبي تبين توترها وصارت تفكر وتقول بخاطرها:زين بس ابي اعرف مشكله كبييرة ولا تهون
شوي قالت بخاطرها:يوه لا يكون مطلقها
وقالت له:خالد طلقتها؟؟
خالد طالع فيها وقال:اعوذ بالله فال الله ولا فالك
تنهدت روان وقالت براحه:أشوى
خالد: يا جعلها ما توصل لهالحد ابد
روان استغربت موهو اللي قبل العمليه كان يطلب منها تقنع امه انه ينفصل هو واريج وقالت له:خلوود مو كأنك تغيرت؟!
خالد فهم قصدها وقال:لا تسحبي الكلام مني بتعرفين كل شي بس خليك تتحسنين
روان:خالد ترى وربي وترتني قول لي ما راح يصير فيني شي ابي اعرف
خالد تنهد وقال بضيق:إيه كل شي تغير
روان ابتسمت وقالت بفرح:زين حلو شفيك متكدر
خالد بتوتر:لأن اخوك الفطين بسم الله عليه قلب الدنيا فوق تحت
روان صارت تضحك عليه وقالت:زين قول لي وش فيه
خالد قال لها كل اللي صار بينه وبين اريج بذاك اليوم وبعد ما خلص قالت وهي تضرب بيدها ع جبهتها:يابووووووووي وش سويت انت
خالد تنهد بضيق وسكت وروان ضحكت وقالت:أههههبببل بالله احد يقول لزوجته ما بقلبي شعور تجاهك هههههههههه لا بصراحه خاب ضني برومنسيتك اثاريك من جنبها ههههههه
خالد طالع فيها وقال:انا الحين ما قلت لك عشان تجلسين تنكتين علي
روان:هههههههههه زين زين اعتذر وصلح خبصتك اللي سويتها
خالد عمره ما اعتذر لأحد واصلا يخربها كل ما جا يعتذر قال بضيق:ياربييي شلون اعتذر عشان اخربها زياده روان لا تستهبليين
ضحكت روان وقالت وهي تغمز له:مو شرط بالكلام ادري انك ما تعرف له اعتذر لها بطريقتك اللي تعرف لها
ابتسم خالد بخبث وقال:لا عز الله خربت السالفه من اصلها ههههههههههههه
روان:ههههههههههههه
خالد:وانا بعد من ذكائي مخلي الزواج بعد سنه
شهقت روان وقالت بصدمه:تسستهببل!!
خالد بضيق:وربي
روان:لييييييييه
خالد:مادري
روان:طيب عرفت هي؟؟
خالد:مادري ما قلت لها يمكن عمي قال لها
روان:لا من جد اهههبببل
خالد ما قدر يكتم ضحكته ع شكل روان وصار يضضححححك
روان:غبي ما تقدر تقدمه طيب
خالد:شلون اقدمه قايل له اني مشغول ومو مستعد ومصرف ابو الشغله
روان بضيق:مو هذا اللي فالح فيه
خالد قال وهو يقوم ويضحك:الله يقطعها من عيشه ههههه
روان:خلود لازم تتصرف
خالد:زين ما عليك بس الزواج ماقدر اقدمه
...
مرت ايام تنويم فهد وروان وبدت تتحسن صحتهم
وبيوم من الأيام احمد وامه واخوانه كانو عند روان بغرفتها بوقت الزيارة وسعود قال:اقول انا لازم ارجع لجده دوامي فوت منه كثيير ما يصير!
خالد:إيه والله يا حمود بعد الشركه اخاف تروح فيها لازم نرجع بأقرب وقت
احمد:ياربيي زين ارجع انت وسعود وانا وامي وروان بنجلس لين ما تخلص هالفتره
روان:حمود خلنا كلنا نرجع خلااص والله مليت من الرياض
احمد:رورو كل مراجعاتك ومواعيدك هنا لازم نجلس
امه:زين مافي مستشفى بجده تقدر تراجع فيه
احمد:إلا بس الحرس الوطني ولا واحد منا متوظف بالعسكريه ما راح يدخلونها
سعود وهو يقوم:زين انا بتصرف
احمد:وش بتسوي؟
سعود:شوف اذا فهد واهله بعد يبون يرجعون جده ورد مني بسرعه
احمد:إيه بعد هو دوام ابوه ونسيبه اكيد يبون يرجعون بس عشان مواعيده
سعود وهو يخرج:زين خلها علي
راح لمدير المستشفى وجلس يكلمه ويتشاور هو وياه وبعدها عطاه بطاقه بإسم روان وبطاقه بإسم فهد وطلع من عنده وهو مبسوووط وراح للدكتور اللي سوالهم العمليه وطلب منه يختم البطايق بتوقيعه وبعدها رجع للغرفه وقال وهو يرمي البطايق لأحمد:تفضل يلا بس نحجز ونرجع لجده
احمد طالع بالبطايق وقال:وش ذي
سعود وهو يجلس:فيتامين واو
روان:هههههههههههههههه شاكه فيك من يوم ما ضربتني ابرة المهدئ
سعود:هههههههههههه احمدو ربكم ان اخوكم مشهوور
خالد:والله زين انك متخصص هالتخصص
سعود طالع بخالد وقال:ياشين المصلحه
خالد بضحك:مع نفسك
احمد:زين وش ما قلت؟؟
سعود:ياربي دلخ انت بطاقتين وحده لروان والثانيه لفهد يراجعون بها بالحرس الوطني وبعد الدكتور بلغهم انو راح نوصل قريب وراح يجهزون لهم غرف تنويم وعناية خاصه وما يحتاج انو نكون متوضفين بالعسكريه
احمد بضحك:والله منت بسييط
امه بضحك:طالع ع ابوك وانا امك هههه
سعود:هههههههه
...
بغرفة فهد دخل احمد وهو يقول:سلام
فهد:هلا وعليكم السلام
احمد وهو مبتسم:وحشتك جده ولا؟؟
فهد ابتسم وقال:إلا والله بس تهوون عشانك
احمد:ههههه اهلك مسافرين
فهد:إييه بعد يومين بس امي بتجلس معاي
احمد:زين رحلتنا حنا وياك بعد 3 ايام
فهد عقد حاوجبه وقال:شلون
احمد:خلاص سعود حول مراجعاتك انت وران كلها ع جده بالحرس الوطني
فهد:لا يكون بالعسكريه وانا مدري اخبر انه يدرس طب؟؟!
احمد:فيتامين واو ع قولته
فهد:آهاا هههههه زين اريح والله
احمد:إيه والله من جد
فهد:زين شلون بنسافر
احمد:انا وانت وروان وامي وامك بطيارة طبيه ع حساب المستشفى اما خالد وسعود بيمشون بكرة
وكمل وهو يعطيه بطاقته:خذ ذي عشان يدخلونك المستشفى
فهد اخذها وقال:تسسلم والله
احمد:الله يسللمك
...