ياويل , قلبي

يا ويل قلبي لا سمعت بغيبته للراحلين
اللي مضوا درب السفر والبعد طالت مدته
ضيقات صدري تلتقي بي من يسار ومن يمين
ولافيه ضلع من مساحات الصدر ما هدته
الموت ماهو هم قلب الموت ما هو دمع عين
الموت كيف الروح تحيا فالغياب وصدته
يا ما تجرعت العنا وياما تحملت السنين
لكن عليه القلب ضاعت حيلته ما سدته
ياوجد حالي وجد من هو غاص بحر العاشقين
اللي عرف سود الليالي ماخذت ما ردته
حاول يكابر بالصبر حاول يقول الله يعين
لكن مصيره وقفت الأيام غصب ولدته
هذاك يعطيه الأمل وهذاك ينظر له حزين
والعمر هقوات الرجا به جابته ثم ودته
الله يا عظم الهوى والله يالجرح الدفين
منهو شبيهه فالزمان بطيبته ومودته
الله عطاه من العطايا زود فوق العالمين
والروح عن كل الأوادم بالمحبه بدته
لكن على الله وش بقا في غيبته كود الونين
والقلب طعنات المواجع عشته ثم غدته
ما عاد يرجي في زمانه بعد ذيك الركعتين
إلا عفو ربه وغفرانه ويرحم شدته

اتمنىـآ ان ترقىأ لذائقتكمـ ~

الموضوع الأصلي: ياويل قلبي || الكاتب: رومانتك بوي || المصدر: منتديات كلك غلا