مات , مافات

مافات مات

ساكت وأنا في داخلي زحمة أصوات
هادي وأنا هوج العواصف بعيني !!

يالشعر أنا ضاقت عليً المســاحات
كـــل الدروب لكل ( تيــه) تهديني !

لــلـــه ياشعري ولو بعض الأبيات
أنا تعبت من التـــــعب ياعويني

من كثر مافيني من الحــزن مرات
أحس حتى اللي ( معي) مايبيني

ما فات مات ( العفـــو) مافات /مامات
مافات كله عايش بخـير فيني

ولاً وش اللي حدني بعض الاوقـــــات
أرمي على راحة يديني ...جبيني ؟!

وش فيك ساكت ؟؟ ماورى هذي سكات
عجل عليّ ...قصايدي تحتريني

خذني لهن (واحد) غدى كله شتات
من سهد عيني لإرتـجافة يديني

مشتاق أرددهن من الذات للـــذات
وأحكي لهن وأحكي بهن و أحتويني

ولا الأكيد إني رغم كل مــــافات
عجزت لا ألقى لي (كلام) يحكيني

الموضوع الأصلي: مافات مات || الكاتب: حنين الماضي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات