/
/
أبختصـر ردّي واسلـم لـك الكـاس
كاس البطولة وأنـت بالطّيـب كاسـي
لامادحـاً نفسـي ولا نـي بمحـتـاس
وانته ترى ساسـك يعـزّ ساسـي
يالفارس اللـي معتلـي كـل قرنـاس
الخيـل بالميـدان تضـرس ضراسـي
والبن لاسقته علـى حضـور جـلاس
سقهـا مـن اليمنـى بليّـا حساسـي
والجـرّه اللـي داسهـا كــل دوّاس
ارفـع خطـاك ولاتجـي بالمـداسـي
انـا ليامـن جانـي العـرف بقيـاس
من راس عرف يزيد عرفـي براسـي
وليا اتّكيت اتكي علـى جيّـد السّـاس
وقدّام لقرا الصّـوره اقـرا الأساسـي
العلم بحـر وداخـل البحـر غطّـاس
والسّيف حدّه بيـن مرهـف وماسـي
ارسلـت مرسولـك لا ياحـر قرنـاس
ورغبت فـي داراً غشاهـا العساسـي
لاني( هنيه) ولا نـت ( محمـود عبـاس)
وش لـك وش ليـه بفتـح وحماسـي
مما راق لي