10-21-2010, 10:45 PM
|
|
|
موعد الصبح قرب :::::
[table1="width:95%;background-color:black;"]
موعد الصبح قرّب وانت ليلك طويل
كِنّ مالك من اهلك (حي) تتفقده
قوم اشوفك..اشوفك؟!! يعني (المستحيل
جثةٍ في تراب الظن متمددة)
هذي الشمس فلّت من ورى الما جديل
شوفها من خجلها كيف متردده,!
استخارت و شقّت في سماها سبيل
تفتح ابواب جوف ابوابنا الموصدة
وابتدا كل (ظلٍ) من عديله يسيل
الشجر / النوارس / (انت),! و الاعمدة
انت؟!! وينك فقدتك بينهم يا هزيل
لــيــه؟.. ما لك عديل تجيه في موعده؟!
من يسمّي عليك ان طحت منهم عليل؟
من تربّت على كتفك عشانك يده؟
عُود احبك و احبك و اتبعك لو تميل
عود و املا سكون الأرصفة عربدة
لك علي ما تمر شفاي "خلّك ثقيل"
لا تهاوت من اللهفة عليك أفئدة
عُود الونك و اخلع يا ظلال النحيل
عنْك هذا "الرماد" المنطفي موقده
و ان تمسّكت في غيرك واخذته بديل
ما تمسّكت فيه الا عشان افقده ,!
ودّي ابكي معك ليلة و اجر العويل
و اجمع الليل ,طول الليل, و اتنهده
البكا.. مو حرام نعاشره والدليل
للعبادة فـ وجه "امّك" بنا مسجده
حسبي الله على اجدادك و نعم الوكيل
ما عطوا للدموع جناحها تفرده
عُود اصلّي معك لله ركعة و اشيل
ذنْب سهوك وغيري عنْك من يسجده
انت حبّك عبادة و اجر حبّك جزيل
عند ربّي و ربّي عن خطاك اعبده
هذي الشمس "لفّت" من ورى الما جديل
وانت,؟ موعدك غاب الصبح عن موعده,!
شعر : عبدالله الكايد | [/table1]
l,u] hgwfp rvf ::::: l,u]
|