كيف تتعامل مع من يمارس عليك دور الاصم ؟!
يقولك مره حرامي خش بيت شايب
ما لقى شي يسرقه غير مصباح موجود جنب الشايب النايم
مسك المصباح فركه وطلع له [ جني المصباح ]
الحرامي طلب مليون
قاله الجني : ليمون ؟
رد الحرامي : لا مليون !
قاله الجني : ايه ليمون !
صحى الشايب وقال للحرامي :
ﻻ تتعب روحك الجني اصم صار لي سنين اقوله ردني شباب ~~ يجيب لي كباب 
~~
مجرد نكته ~~ ما فيها دروس مستفاده ولا شي من هالقبيل
لكن أكيد هالجني ~~ أهون من نوعيات كثيرة من الناس
التعامل معهم يشبه استخدام كمبيوتر [ بنتيوم ون ] القديم المغبر و البطئ
~~
هل سبق وتحاورت مع أحد هالنوعيات ؟
أو جايز يكون مر عليكحوار بهالشكل :
لو تكرمت ياغالي وين أخوك صالح ؟
هاه ؟
صالح وينه ؟؟
هاه ؟
أقول صالح ~ صالح وينه ؟؟؟
مادري
طيب بعد إذنك ~~ ممكن اعرف متى يجي ؟
هاه ؟
هو متى يرجع ؟؟
هاه ؟
صالح متى يجي ؟؟؟؟؟
الله أعلم
~~~
ما ننكر ان مثل هالنوعية منشتره ~~ لكن يبقى التساؤل
في حال كان فعلا سمعه ثقيل
معناها نسبه كبيرة من المواطنين ~~ يعانون من الصمم
~~~
لكن إذا أكتشفت إن سمعه سليم
وهو يمآرس عليك دور الآصم ~~ بمعنى أدق [ يتصيمخ ]
كيف تتعآمل معه في وقت الحوار ؟؟؟
أو مستقبلاً ؟؟؟؟
آنتظر آرآئكم
;dt jjuhlg lu lk dlhvs ugd; ],v hghwl ?! lu hghwl jjuhlg dlhvs ],v ;dt
الله يرحمك يآ أبي
ويدخلك الجنة من جميع ابوابها ثمانية
|