الجزء الثاني
بعد غسيل روان لكليتها رجعت هي واحمد للبيت وطبعا كالعاده مهدوود حيلها وضغطها منخفض بالحييل
طلعوها لغرفتها عشان ترتاح واحمد وامه جالسين بالصاله
سعود بغرفته ومشغول يذاكر<<دافوووور
اما خالد طالع مع اخوياه
شوي الا يدق جوال احمد رفعه ولقى عمه ابو اريج يدق عليه
احمد:هلا عمي
ابو اريج:هلابك يا ولدي اخبارك
احمد:تمام والله انت شلونك عساك طيب
ابو اريج:والله الحمد لله بصحه وسلامه كيف اخوانك واختك روان
احمد:والله الحمد لله ماشي الحال
ابو اريج:زين اسمعني انا حجزت لنا شاليه يوم الأربعاء والخميس والجمعه لنا حنا وياكم نطلع ونتونس وش رايك
احمد انبسط حيل وقال:زين عمي اكلم امي واشوف وان شاء الله نتفق ع خير
ابو اريج:يلا اشوفك يوم الأربعاء
احمد:إن شاء الله
ابو اريج:فمان الله
احمد:مع السلامه
قفل من عمه وقال لأمه:يمه عمي يقول حجز لنا شاليه يوم الأربعاء والخميس والجمعة حنا واهله ويبينا نطلع معاهم
امه:طيب ياولدي ما عندي مانع غيرو جو وانبسطو
شوي الا سعود نازل ويغني ويوم شاف احمد مبسوط قال:شفيك فرحان
احمد انتبه له وقال له عن عمه
سعود قال:الله وناااسه بكرة الأربعاء
احمد:اييه
سعود:بروح اقول لروان عشان ما تداوم بكرة
احمد:ما بتدوام من غير توني مرجعها من المستشفى
سعود:والله ما تعرف لها وجه اول توها مغسله بالليل قامت الصباح وداومت
احمد ابتسم بحنان وقال:عشان صديقاتها
سعود وهو طالع لها:مع نففسهم اهم شي صحتها
فتح باب غرفتها وهي كانت ع سريرها منسدحه والنور مقفل والمكيف مقفل
فتح النور بس من جهه وحده ومشى لين سريرها وقال:رورو صاحيه
روان بتعب وهي تحس بغثيان:همممم وش تبي
سعود عرف انها مو رايقه له وقال:شفيك مقفله المكيف اشغله لك
روان بنفس الحاله:ايه
شوي جلس ع طرف سريرها وصار يطالع فيها وهي بالحييل تتنفس من التعب
مسك يدها وقال بحنان:رورو بكرة بنروح الشاليه مع ريم واريج
روان ما ردت ودخلت راسها تحت المخده وقالت:سعود وخر عنيييي
سعود سكت شوي وقال وهو خارج:شوفيني قلت لك من الحين بكرة مافي دوام
روان بقهر:مو بكيفك
سعود وهو يقفل الباب:ارتاحي الحين وبكرة وخير
خرج وراح لأحمد بالصاله وقال:حمود وين خالد
احمد:وين يعني يدور جده هو وشلته
سعود اخذ جواله وقال:خليني اكلمه
دق عليه وما رد والمرة الثانيه نفس الشي والثالثه رد
خالد:هاه يالنشبه ما رديت يعني لا عاد تدق
سعود:ههههههه لا بس بغيت اقلك بكرة طالعين الشاليه
خالد:طيب وانا وش دخلني
سعود:لالا متبري منا انت؟!
خالد:لا تستظرف من متى وانا اروح الشاليه معكم اكيد انتو واهل عمي
سعود:ايه وليه ما تطلع معنا
خالد:بكيفي وش دخلك
سعود بمكر:زين انا مالي دخل بس روان قالت لي اقلك اكيد انها تبيك تجي
خالد:وش يعني كأني بقول لك لبيه الحين اقوول اقلب وجهك بس
سعود ضحك وقال:اعرفك انا ههههههه بنشووف
خالد قفل الخط ومارد وسعود حط الجوال وقال:وجع غثييث طول الوقت معصب
احمد:نفسي اشوفه مع اصحابه معصب ولا مروّق
سعود:ايه والله صح
احمد:وينهم الحين بأي ارض
سعود:مادري ما سألته
احمد:الله يستر منه
...
ببيت ابو اريج
اريج وريم قاعدين بالصالة ويخططون لبكرة وش يسوون
ريم:ابوي اكيد كلم اهل عمي
اريج:ايه سمعته وهو يكلمهم
ريم:مين كلم منهم
اريج:اظن احمد لأنو باين يتكلم مع عاقل مو مرجوج ولا عصبي
ريم:ههههههههه حلللوة
اريج:ههههههههههه
سكتت شوي وقالت:تتوقعين خويلد يجي
ريم:متى عمره طلع طلعات زي كذا هو اربع وعشرين ساعه مع اصحابه
اريج: والله ما كان كذا تتذكرين كان وهو وسعود زي بعض مراجييج واربع وعشرين ساعه مع بعض بس من يوم ما مات عمي ومرضت روان تغيير حيييل حتى احسه يداري روان بس ما يحب يبين الي بداخله
ريم:والله مرة ما ارتاح له احسه بلحظه يمكن يلعن شكلك مرة عصبي
اريج:ايه بس خلي روان تقول له شي يمكن يعصب بس من وقتها بس بعدين يرجع معاها
ريم:بس داايم يزعلها هو اكثر واحد يجرحها من بين اخوانها
اريج:وشوفي ع هذا كله ما ترضى فييه ابد
ريم:هي حنوونه بزيااده وما تبي تزعل احد
اريج وهي تقوم بحزن:اكيد بتكونين كذا لوكنتي تعدين ايام حياتك
ريم:آآه الله يشفييها يارب يلقون لها متبرع بأقرب وقت احس بفقدها حيييل لو صار لها شي
اريج:الله لا يقوله يارب تتعافى
ريم:امييين وبأقرب وقت يااارب
...
يوم الأربعاء في الصباح
روان قامت من النوم ولبست مريولها وتجهزت ع انها رايحه للمدرسه
اما احمد عمه صحاه من النوم بمكالمته وقال له انهم بيروحون للشاليه من الصباح
قام وتروش وصحى اخوانه وامه
راح لغرفة روان لقى النور مفتوح وعرف انها صاحيه دق الباب
روان:هممم
احمد:رورو يلا تجهزي بنروح الحين
راون فتحت الباب وهي لابسه مريولها وقال:جاهزه
شافة احمد بقميص النوم وقالت:هههههههه انت مو جاهز تستهبل
احمد تنهد وقال وهو يصقعها ع راسها:مو المدرسه الشاااااالييه
روان:لييه؟؟
احمد:يلا خلاص عمي دوبه دق علي غيري بسرعه كلهم جاهزين باقي انا وانتي بس
روان:يالله طيب بالعصر لازم الصباح
احمد:روان بس يلا خلاص قلت عمي دق
شوي مر سعود وشافها بمريول المدرسه وقال:هيييه يا أم الأصصفر مافي مدرسه اليوم<<لون مريول الثنويه بجده هع هع>>
روان بطفش وهي تقفل باب غرفتها:زين انثبر احسن لك
سعود ضحك ونزل للصاله
روان دخلت غرفتها وجلست ع سريرها بقهر شوي الا فتح احمد وهو يزبط تيشيرته ويقول:قومي بسررعه لا نتأخر
روان وهي تاخذ ملابسها وتدخل الحمام بضيق:طيب
دخلت الحمام وهو صار واقف قدام المرايه ويزبط نفسه
...
روان تجهزت وخرجت شافة اخوانها كلهم بالصاله يفطرون وخالد مو معاهم وقالت:وين خلّود
سعود:بغرفته يقول مو مداوم ولا رايح معنا
روان:ليه مو رايح معنا يستهبل؟!
سعود:روحي شوفيه مادري عنه
روان طلعت لغرفته وقالت وهي تدق الباب:خاااااالد يلا قوووم بنرووووح
خالد وهو يدخل راسه تحت المخده بضيق:يالله جات روان الحين
وقال بصوت عالي:مو رااايح خلوني اناااااااااااااااااام
روان فتحت باب الغرفه ودخلت وهي تقول:خلّود وشو اللي مو رايح مو كل شي مع اصحابك بعد حنا اهلك
خالد بطفش:زين روان ابي انام وش دخل اصحابي الحين
روان بقهر:ايه بنروح ونجلس هناك ربوع وخميس وجمعه وانت هنا اكيد بتدورون جده كعادتكم انت واصحابك
خالد:يالله وش اسوي لو جيت معاكم مافي احد انتو اخواني وبنات عمي مررة فله الحين
روان:لا مو بس احنا بيجو اقاربنا مو بس اهل عمي يلا قووووم
صارت تسحبه من يده وهو قال:رواان يرحم والديك خليني انام احسن لي
روان بضييق وقهر:خااالد تكفى قووووم يمكن تكون آخر طلعه لي معكم هيااا
خالد طالع فيها وسكت وهي كملت:يلا خاالد مو كل وقتك مع اصحاابك بعد انا اختك
خالد قال:رواان لا عاد اسمع هالكلام تفهميين
روان:وشو يعني مو اختك
خالد بعصبيه:لا اللي قبله لا عاد اسمعك قلتيها
روان سكتت شوي وقالت وهي تسحبه:زين قووم
خالد قام بعصبيه ودخل الحمام
...
بالطريق روان جالسه ورى احمد وامها جنبه وسعود جنبها وخالد ما يبي يجي معاهم راح بسيارته
احمد:خالد بيجي معانا للشاليه
روان:ايه
احمد:هو قال لك
روان:اييه
كملو طريقهم ووصلو للشالييه كانو كللهم هناك واهل ابو احمد اخر ناس وصلو لأنهم تأخرو
روان راحت للبنات وسلمت عليهم وجلست معاهم
وسعود وخالد واحمد راحو للشباب وسلمو عليهم وجلسو
عند البنات سوالف وهباال وشيبسات
روان جالسه معاهم وتسولف هي واريج والبنات مرة يسولفون ومرة يتهاوشون وكل سوالفهم ع المكياج والملابس والأسواق والفنانين المزز وهالحركات<<عاد ما تخفى عليكم سوالفنا هع هع
شوي الا يسمعون واحد من الشباب يقول:حمود جيب الكورة من سيارتي
احمد وهو يروح للسيارة:طييب
قامت ريم وهي تقول بحماس:بيلعبون كورة
روان بضحك:بتلعبين معهم مثلا
ريم:لاااا بس نشوفهم ونشجع ههههههه
البنات كللهم قامو وجلسه ع جنب والشباب يلعبون كوورة وطبعا لازم التشجييع الحاااااار
شوي الا خالد عصصب من الشباب ع اللعب وقال:هيييييييييييه البعو زين
واحد من الشباب:نلعب زين بس انت ما يعجبك شي
خالد وهو يروح من عندهم بعصبيه:ع تررراب حتى لعب الحواري ما يلعبون مثلكم
الشباب كلهم بصوت واحد وبضحك:تكفى يا محتتترف انت هههههههههههههههههه
خالد:عصب وراح والشباب كملو هبالهم ولعبهم
شوي طفشو الشباب وجو بيجلسون الا قالت ريم:اقوول بتجلسوون كملو والله تحمست
سعود:يلا بالله وش رايك تلعبين معنا
ريم بخوف:لالا مو لهالدرجه انتو العبو وحنا بنشجع
احمد:ههههههههههه سعوود خافت منك اذذلف بس
ريم بقهر: لا ما خفت وجع لا تستهبلون
روان:وين خالد
سعود:عصب من اللعب ومنطق هناك
ريم سحبت اريج وقالت لأخوانها:وجع انت وياه مو كأنه اخوكم
سعود:لا بالله تبينا نجلس نراضيه كل ما عصب عز الله رحنا فيها
احمد والشباب:هههههههههههههههههههه
اريج قالت لروان وهي مرتبكه:وين بنروح
روان:لخالد هالخبل يعصب من كل شي يقققهر
اريج سكتت وكملت معاها
شوي شافت خالد قاعد بعيد عنهم ويدخن راحت له ع طوول وقالت:خاالد متى بتبطل هالشي
خالد رمى السجارة ودعس عليها وهو يقول:نعم وش تبين
روان وهي تكح بقهر:حلوة وش تبين مو كل شوي وانت بدخانك
خالد وهو يلف وجهه عنها:لا تتدخلين فيني
روان ودموعها بعيونها:خالد ما قدرت تتبرع لي بسبب انك مدخن وخطيره عليك العمليه
وكملت وهي تمسح دموعها:يعني ما قدرت تساعدني بتصير مثلي ..حرام عليك
خالد سكت وهو تذكر ذاك اليوم اللي حاول يتبرع لها وكل شي مزبووط بس انه مدخن وراح تضره العمليه وقال بقهر وغصه وهو كان نفسه يساعدها:لا عاد تكلميني بهالموضوع خلاااااص
روان ودموعها تنزل:خالد كفايه انا عليكم امي ما تتحمل اكثر والله ما نبي يصير فيك شي بعد انت
خالد نزل راسه وما يبيها تشوف دموعه وقال بعصبيه:مالك دخل فيني
روان وهي تمسك يده:خالد تكفى عشاني مابي اشوفك تدخن اببد
خالد سكت ومارد ويحاول يمنع دموعه
روان وهي تمسح دموعها:خلينا نكمل حياتنا مع بعض كفايه فقدنا ابوي
خالد عصب من هالطاري وقال ودموعه تنزل:لا تقولين هالكلام وانتي بتموتيين ايامك معدووده كل مالك تتعبين اكثر بنفقدك مثل ما فقدنا ابوي كلها مشاكل بمشاكل
روان وهي تبكي:خالد خلني اعيش اللي بقى لي من عمري وانا مرتاحه معاكم
خالد بنفس النبرة:كذابه مو مرتااحه انتي اكثر وحده متعذبه فينا بس يعني انك مبسوطه
روان وهي تمسح دموع خالد:ما انبسط الا اذا انبسطتو وكفايك اهتمامكم فيني وانا ادري لو تقدرون كان ريحتوني من هالمرض كفايه اني عايشه بينكم
خالد طالع فيها وما قدر يتحمل وحضنها بقووه وصار حاط راسه ع كتفها ويقول:جعلنا ما نفقدك يارب
كل هذا صار واريج تطالع فيهم ودموعها تنزل
خالد رفع راسه وشاف اريج لفت عنهم وقال لروان وهو يبعدها عنه:اريج هنا
روان وهي تمسح دموعها:ايه جات معاي
خالد:زين اذلفي انتي وياها بروح للشباب
روان ضحكت ومسكت يد اريج وراحو للبنات
...
بصالة البنات ريم كانت قاعده وتتفرج بالتلفزيوون ومنندمجه شوي الا في صوت سعود داخل ويغني شوي قال:روااااان
ريم ارتبكت لأنها كانت مفسخه العبايه ولابسه بنطلوون وبلوزه كت
لفت لقت جنبها طرحه اخذتها ع طوول وحطتها ع اكتافها لأنو ما يمديها تشرد
دخل سعود ويوم شافها قال:سلام عليكم
ريم وعيونها ع التلفزيون:وعليكم السلام
سعود وهو يجلس ع الكنب:وين روان
ريم استغربت انه جلس وقالت بخاطرها:وش عنده ذا وقالت له:مادري الظاهر انها برا مع اريج
سعود وهو يمسح ع وجهه بتعب:زين قومي جيبي لي مويه لا هنتي
ريم بخاطرها وهي تطالع فيه بإستغراب:يمون الأخ
هو استغرب من نظرتها وقال:شفيك قلت شي غلط ابي مويه عطشان
ريم وهي تقوم:زين دقايق
دخلت المطبخ وجابت له مويه واعطته وهو شربها وحط الكاسه وقال بطفش:بالله ريم نادي روان تكفين قوليلها تطلع لي ملابس ابي اتروش
ريم استغغرب مررة من ميانته وقالت وهي تخرج:طيب
خرجت ودورت لروان ما لقيتها ورجعت وهي تقول:ما لقيتها مادري وينها وجات بتدخل الغرفه الا قال بضحك:زين عادي طلعي لي انتي ملابس
ريم انقهرت منه وقالت:لا يا شيخ وش شايفني
سعود ضحك وقال:اختي ولالا عادي ولد عمك ما بيننا شي
ريم استحت وقالت:ايه بس .. معلييش
سعود بضحك:زين نادي امي
ريم خرجت ولقية عمتها جالسه مع الحريم وراحت لها وقالت لها ان سعود يبيها وعمتها قامت وراحت له
هي ما حبت تدخل ويطلبها بعد شي ثاني وراحت للبنات وشافة روان جالسه بينهم وقالت:وجع وينك من اول ادور لك
روان:ليه وش تبين
ريم:سعود كان يبيك
روان:وش يبي
ريم:يبيك تطلعي له ملابس تخيلي رجعت وقلت له اني ما لقيتك وقال:زين طلعيها لي انتي
روان:هههههههههههه مرجووج
ريم بضحك:مررررررة ههههههههه
...
عند الشباب سعود خارج والمنشفه ع راسه ويقول:احمد
احمد:نعم
سعود:فهد اننتحر روح رد عليه
احمد وهو يقوم:يوووه صح جوالي بالشاحن
قام ودخل ودق ع فهد
فهد:الو وينك لي ساعه ادق
احمد:معليش والله كنت برا والجوال بالشاحن
فهد:زين وينك الحين وفاضي ولالا
احمد:فاضي والله حنا الحين بالشاليه
فهد:انت واهلك بس ولا معاكم احد
احمد:لالا في اقاربنا واهل عمي كثااار
فهد:لا تقووول يووه بموت طفش ووحدي بالبيت قلت بطلع معك بس
احمد بضحك:زين تعال والله وناسه ما عليه بيتعرفون عليك الشباب
فهد:لا ياخي ما يصير اقط كذا
احمد:وشو اللي تقط عادي انا واخواني والشباب بتتعرف عليهم ماعندك مشكله يلا بس تعال خلنا نستانس
فهد:زين وين بأي شاليه
احمد قال له وفهد جاي بالطريق
راح أحمد للشباب وقال:شبااب صديقي فهد بيجي
سعود:الله يحييه والله وناااسه
وبدو الشباب يسألون عنه وعن علومه
خالد كان جالس معاهم بس ع البيبي ومو معااهم مررة شوي قال له واحد منهم:خوييلد شكلنا موعاجبينك مو مثل ربعك اللي مبلط معاهم
خالد بدون ما يلف:جبتها وانا اخوك
احمد:ههههههههههههه
ورد واحد من الشباب:زين ليه جيت
خالد:والله ما بغيت ارد الغالين
سعود:هههههههههههههه قلت لك ما تقدر اببد
خالد ابتسم وكمل فرفرته بجواله
...
عند البنات
ريم قاعده وتسولف مع بنت خالتها شوي الا سعود جاي ناحية البنات ويقول:بناااات وين رواان
البنات:دوبها كانت قاعده معانا
سعود طالع لقى ريم بينهم وقال بضحك:انتي الوحيده اللي امون عليك يلا بس روحي ناديها
ريم بضحك:مرره ولفتك ترى
سعود:ههههههههههه يلا بس قووومي
قامت وصارت تدور لروان ولقيتها جالسه مع اريج جوى وباين انها مكشرة وقالت:رواان سعود يبيك
شوي الا صوت سعود من ورى ريم يقوول:روان وييينك
ريم لفت وقالت له:هنا تعال
جا ودخل وشافها قاعده مع اريج وقال:شفيك مكشرة
روان وهي تنزل راسها:ولا شي
سعود بإهتمام:رورو تعبانه
روان:لا مو تعبانه مافيني شي
قامت وهي تقول:هاه وش بغيت
سعود:ابغى جوالي وينه
روان:هناك حطيته بالشاحن
سعود:زين جيبيه
روان قامت وجابته له واعطته وهو قال:روان امانه اذا تعبانه قولي
روان:مو تعبانه مافيني شي قلت
راح وجلس مع الشباب وهي قامت وارحت تمشي هي واريج وتسولف
...
عند الشباب فهد وصل وجلس معاهم وصارو يستهبلون ويسولفون وهو اندمج معاهم واستاااااانس ححييييل
البنات كانو قاعدين بعييد عن الشباب بس يمديهم يشوفوهم وروان واريج كانو يمشون روحة وجيه شوي روان قالت وهي تطالع جهة الشباب:مين هذا
اريج:وين
روان:اللي جالس بجنب اخوي احمد لابس تيشيرت اخضر
اريج:مادري والله اول مرة اشوفه
روان:وانا بعد
وقالت وهم يكملون مشيهم:مع نفسه ايوه وش كنتي تقولين
وكملو سوالفهم
فهد كان جالس جنب فهد ومستاانس مع الشباب ومعطي البنات ظهره
شوي جلس سعود جنب احمد وهو يقول له:حمّود
احمد:هممم
سعود:روان مبين عليها انها تعبانه سألتها مو راضيه تقول لي تقول ما فيها شي
احمد:شلوون؟؟! حرارتها مرتفعه؟
سعود:مادري روح شوفها
احمد قام وفهد قال له:وين رايح
احمد:شوي وجاي
فهد سمع كلام سعود كله اللي قاله لأحمد
احمد راح للبنات وقال:رواان تعاالي
روان ع طول قامت وراحت له
وقف قبالها وحط يده ع جبهتها ولقاها مسخنه شوي وقال:تعبانه روان ولا تقوليلي؟!
روان وهي تمسك يده:مو تعبانه بس حرارتي مرتفعه شوي
احمد:وش يعني ذا يلا بس البسي عبايتك وتعالي
روان بقهر:وين؟
احمد بحزم:وين يعني لازم تغسلين
روان:لا احمد مابي امس غسلت خلااااص
احمد:رواان قلت يلا
روان نزلت دموعها وقالت:ابي اجلس مع البنات مو كل ما جيت بانبسط قلت يلا نغسل مابي
احمد:روان مو بكيفي ولا بكيفك لازم
روان:لازم 3 مرات بالأسبوع خلاص خليه بكره امس دوبني غسلت تكفى احمد
احمد:روان بتتعبين زياده اذا جلستي تماطلين
روان:بكره والله نروح خلااص مو اليوم تكفىىى
احمد طالع فيها وهو محتاااار وقال:وبكرة بتقولين لا وبعده لا
روان:لالا والله خلااص بكرة
احمد تنهد وقال:زين اذا حسيتي نفسك تعبتي بزياده قوليلي
روان:طيب
احمد راح وجلس مع الشباب وهي كملت مع البنات
...
مر اليوم والكل استانس وروان بعد حاولت تنسى شوي مرضها وتنبسط مع البنات مع انها كانت محتاجة لجلسه غسيل بس اجلتها لليوم الثاني
باليوم الثاني قامت روان من النووم وهي تعبااااااااااانه حييييييل كانت نايمه مع البنات بغرفتهم وجات تبي تقوم بس ما قدرت وتحس جنوبها تعورها حيييل لدرجه انها صارت تبكي من الألم
شوي قامت اريج وشافتها وقالت:رورو شفييك
روان:تعبااانه تكفين خلي أي احد من اخواني يجي
اريج قامت وخرجت وصارت تبي تروح لأم روان عشان تقول لها
بالصبااح وكانت الشممس تححرق كانت منزله راسها عشان عيونها وتمشي بسرعه شوي صقعت بوااحد
رفعت راسها وهي تقول:آسفه ما انتبهت
وتفاجأت انه خالد وهو قال:لا عادي
اريج ع طول قالت بقلق:خالد روان تعبانه
خالد بخوف:وينها ؟
اريج:بالغرفه قالت لي انادي واحد منكم
خالد عرف انها تحتاج لغسيل وقال:بسرعه خليها تطلع انا بالسيارة
اريج راحت لروان وقالت لها وساعدتها بلبس عبايتها وساعدتها لين ما وصلت للسياره وع طووول راحو للمستشفى
وهم بالمستشفى روان ع كرسي الغسيل وخالد اول مرة يوديها للغسيل ويجلس معاها بالعاده سعود واحمد هم يودونها
روان جالسه وتبكي وخالد يطالع فيها وقلبه يتقططع عليها شوي قال:رورو يعورك
روان بتعب:ايييه
خالد بعصبيه:ليه ما رحتي مع احمد امس كان احسن لك
روان ما ردت عليه وبدت تفقد وعيها
...
بالشاليه احمد جالس مع الشباب شوي الا قال له واحد منهم:والله تصدق استانسن امس مع خويك فهد
احمد ابتسم وقال:ما توقعت يندمج معكم بسرعه سعود:ايه صح هو ياخذ وقت حتى يتعود عليك
شوي الا خالد جا وجلس بتعب واحمد قال له:وين كنت ما شفتك من الصبح
خالد:بالمستشفى
احمد بإستغراب:ليه؟!
خالد:وديت روان للغسيل قامت تعبااانه حييل وما تقدر تتحرك
احمد:يووه امس حاولت فيها بس رفضت كنت حااس انها بتتعب كذا بس ما حبيت اضايقها
خالد ما رد عليهه وقعد يفرفر بجواله
...
عند البنات والحريم
البنات جالسين يسولفون والحريم يسوون الغدا
وام روان بالغرفه عند بنتها وروان ع فراشها وتعبااانه حييييل شوي دخلت ريم وجلست وشافة عمتها قلقانه وتشرب روان العصيير ورواان داايخه قالت بحنان:عمه روحي اجلسي مع الحريم انا بجلس عند روان
عمتها:لا يا بنتي ما عليه بجلس عندها
ريم اصرت ع عمتها لين بالنهايه استسلمت عمتها وراحت عند الحريم وهي صارت جالسه عند روان وتهتم فيها