ياوجودي وجد من خاب ظنه فصدقاه
..[ ♣ ]..
ياوجودي وجد من خاب ظنه فصدقاه
وحملنه سود الأيام مالا يستطيع
وجد عوداً مايبي احدٍ يقصر فالصلاه
وكبرو عياله وصدو عن الطاعه جميع
من هواجيسٍ تكدر علي صفو الحياه
ضيقت صدري وانا قبلها صدري وسيع
احمل أحلام المشاهير وافكار الدهاه
لين سوت بينها حلف في راسٍ شجيع
ان بدعت الشعر لازم تناقله الرواه
وان هبطت السوق مالد عيني فالرجيع
وان حصل عند العرب فالمواقيف اشتباه
ترجح اثقال الموازين فاليوم الشنيع
لكن في حكم آل مقرن مطوعت العصاه
بالعدل والصيرمي خلو العاصي يطيع
(الله يحفظ) خادم البيت ويعز الولاه
جعل رايتهم رفيعه ومنزلهم رفيع
كلٍ مظهوره يفلي تحت فيت عصاه
وسورهم برادت الله اهل الدوله منيع
فيا هني اللي ليامن بغى شين لقاه
ماتنطحته صدوف الدهر مع كل ريع
وانا عمري ضاع من دون تحديداتجاه
كل ماجيت اسلك الدرب قلت اخاف اضيع
الا منهج طاعة الله وتوحيد الاله
اسلكه خوف ورجا منك يالحي السميع
وادري ان الفوز فاليوم الأخر لتقاه
مايشرف فالبشر ذا شريف وذا وضيع
ان قعدت اخاف من الفقر واحب الغناه
ضعت بين اهل السيوله وانا قدري رفيع
وان قعدت قضيت العمر كله على هذا السواه
ماتجوع بعير ابو زيد ما جاه الربيع
وانا في ماسببتلي لفت الأنتباه
وجيت مستعجل وثبت فالخط السريع
حدني املك بين جمع العرب وجهٍ وجاه
كني املك مال قارون اشريبه وبيع
لــ الشاعر العذب/ مدشوش الاكلبي
dh,[,]d ,[] lk ohf /ki tw]rhi ,[] dh,[,]d ohf /ki
/
.
آخر تعديل وريـث الـجـرح يوم
12-25-2012 في 01:48 AM.
|