منتديات كلك غلا

الشوق عذب شاعرك مع خوافيه
وهرج العرب مايسمعه لو يموتون

الصاحب اللي تل قلبي ومافيه
الفت له فكرة وحبكه ومضمون

مدامني في هاجس الشعر اغنيه
لاحدا يلوم الحال لاصرت مجنون

مجنون في شكله وثقله وخطاويه
لامن مشى تمتمت بالهون بالهون

بالهون لك قلبي رياض ومبانيه
صرح الغلا في داخل القلب مركون

في ذمتي محدن بزينه يضاهيه
لامن دخل كل العذارى يولون

في ذمتي يابوي لو باع لاشريه
مليون ترخص ثمانين مليون

هو مصدر الهام القصيد وقوافيه
هو هاجس الشعر المحنك ويدرون

يدرون اني اعشقه حيل واغليه
لو هو يقفي الاحاسيس يبكون

مهما يطول البعد برجع والاقيه
ماهمني اصلا وكالة يقولون

ياللي ملكت الزين وش عاد تخفيه
لثامتك تشفي صويبن من عيون

عيون تبحربي بحرها وشواطيه
اقطف من كنوز البحر كل مكنون

ياللي ملكت الغنج والحسن والتيه
امسيت بي عاقل واصبحت مجنون

ضاع الوصل او ضيعتني مواريه
عامين مقفي وش التوالي يامزيون

لاتنشدون الحال من البعد وش فيه؟
الحال من بعدة ترى دون في دون