منتديات كلك غلا - ان الهاتف المطلوب لايمكن الاتصال به الان

" ان الهاتف المطلوب لايمكن الاتصال به الان "

وانا والله ياعالم كرهت الحب واحواله
مدام اللي تمنيته قطع وصلي ونوى هجران
علام الخل مايسئل ومقفل دوم جواله

رسايلنا تجي وتروح وخلي ماظهر او بان
والمشكله انه بعيد ولا كرمني باتصاله

افرح لا دق جوالي احسب انه علي ولهان
واقول الو من الفرحه وانا حالتي حاله

ويطلع شخص يبي فلان واقله للاسف غلطان
صحيح الحب يلعب بي وظروف الوقت محتاله

ذبحني الحب ياقلبي وانا والله بشر وانسان
دخيلك يازمن قلي وين الحب واماله
انا اشتاق واتالم وادور في الحزن خلان
انادي خلي الغايب عسى الافراح تنخى له

واذا هزني شوقي لحبه والضلوع اوطان
راسلته الين يقول تم ارسال الرساله
واظل اجلس عساه يرد ولكن ماشعر وجدان
طفت شاشة الجوال وخلي ضاوي جواله

فواتيري تعل القلب تصك بحدها الالفان
وهو يطلب ابي اشحن رصيدي والعقل داله

اذكر مره قد جاني حسبته ملتهف شفقان
يقول ياصاحبي والله ضاق القلب باحواله

ابي منك معونه وانت بكل احوالك العوان
وانا في داخلي اسئل غريبه عاد بسهاله

واخيرا بعد ماطول بهرجه واستراح ودان
طلع يبغى جهاز جديد ويغير نوع جواله

انا ماقلت هالدنيا عنيده يابشر ماكان
ماكان بامكاني اصبر وانا حالتي حاله

هذاالهاتف المطلوب مغلق الى حد الان
الا من هو يبيع الصبر وكل العمر يهدى له

مما راق لــــ ى