|
لمن تكون جالس لوحدك وتستغفر وفجأة
لمن تكون جالس لوحدك وتستغفر وفجأة
واحد او حده يمر من عندك يقول ايش عنده السديس اليوم ...؟! الحين ليه كل هذا الأستهزاء في ديننا لهدرجه ماعاد في حيااء انت ميين اصلا حتى تقول ايش عنده السديس السديس احسن منك واشرف وبعد وش فيها إذا استغفرنا يعني طلب المغفره والعباده صارت حرام ليش صرنا نقلب الاحكام على كيفينا ليش صرنا نخجل من ديننا ليه ديننا صار بنسبه لنا مجرد اسم واحرف تكتب عند اسمائنا في الهوية طيب وش سوى لنا الاسلام حتى نكرهه لهدرجه بالعكس هو اعطانا الكثير ونحنا نرفضه ليـش ؟؟؟؟؟؟؟ ولا في رمضان وانتم طالعين لمصلى المدرسه علشان تصلون كل الطلاب يمشون في الساحه ويسولفون واشوف واحد قاعد يقول لصاحبه امش بس خلينا نصلي ونفتكـ .....؟! <<هذي اشوفها كثييييييير بالجامعه ليش الاسلام صار مثل الحجاره المحمل على اكتافنا بس نبي نتخلص منه ؟؟؟؟؟؟ قال له خويه : يابوي مصدق اسحب بمعنى (اترك عنك) بس وقول لي كيف المباره امس عاد دخلو جو حمااااااس ....؟! ليش لهدرجه ديننا صار حديث الماضي وفعل الماضي ليش...؟؟؟؟؟؟؟ ولاااا إذا قلت دليل من القرآن ولامن السنه يعني في وسط السالفه قالو يالله جانا عبد العزيز بن باز على غفله بمعنى (فجأه) ويصرفون أيه ايه طيب ....؟! ليش ديننا صار كلام ماحد يبيه ولا احد يبي يسمعه وهو افضل من أي كلام اخر؟؟؟؟؟ ولااا إذا جيت في حصه الفراغ تطلع القرآن بتقرأ وتلتفت عليهم تلقى كلهم عيونهم مبققه بمعنى (مفتحه بقوه) عليك وجالسين يضحكون عاد من الاحراج اكيد بتدخله...؟! ليش ديننا صار احراج لنا وللناس ليــــــش ؟؟؟؟ ))...-///lطـــــــــيــــــــــب ممكن نوقف وقفات قليله l///-...(( ديننا ونحن عكسـه قال تعالى : {يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12 الحين مايمدي وحده دخلت على صاحباتها الا ويه شفتي هذيك ياشينها هي وكشتها اللي كأنها .... {يا أيها الذين آمنوا لا يسخر قوم من قوم} قال: نزلت في قوم استهزأوا من بلال وسلمان وعمار وخباب وصهيب وابن فهيرة وسالم مولى أبي حذيفة. الحين انقلع (يابدوي) روح عند بعارينك ولااا انقلع يالكحلي بمعنى (ذات البشرة السوداء) ....؟! قال تعالى: {وقضى ربك ألا تعبدوا إلا إياه وبالوالدين إحساناً إمّا يبلغنّ عندك الكبر أحدهما أو كلاهما فلا تقل لهما أفّ ولا تنهرهما وقل لهما قولاً كريماً (23) واخفض لهما جناح الذّلّ من الرحمة وقل رب ارحمهما كما ربياني صغيرا}[ يا يماااااااااااااه وبأعلى صوته ليش ماغسلتي ثوبي انا ايش قايلك وامه تقول له : والله ياوليدي نسيت ويرد بكل وقاحه : بس بس لايكثر ...؟! >> لو عندي اشق فمه قال تعالى: وَلاَ تَأْكُلُواْ أَمْوَالَكُم بَيْنَكُم بِالْبَاطِلِ وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقاً مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ اقوووول تعال تعال شف هذا المطنوخ (غني) شكله عنده فلوس ايش رايك نلعب عليه ونأخذ فلوسه ...؟! قال تعالى:{مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ} اقولك كفخه زين بقووووووووووووووه ايووه كذااا كذا لاتصير رخمه بمعنى (لاتصير ضعيف شخصيه)...؟! >> خير خير مصارعه اين نحن من كل هذا الأسلام أيــــــــــــــــــــــــــــ ـــــن ...؟! الـــــــــــــــــــواقــــــ ــــع الآااااااااان لو تمشي و تغني ويلاااه ضاق الصدر تلقى جاي واحد ناط معاك ويردد وراك ...؟! ولا واحد جايب لك دخان وجالس يدخن قدام المدرس ورافع صدره ومرتز ويلتفت على اخوياه ويقول لهم هلاااا شباب يلاا تعالو الاااا كلهم ناطين عنده احلى حركات والله انك قوي كيف علمنا...؟! ولا عاد تصدقون امس مرقم لي خمس بنات تبون تشوفون ارقامهم شوفو شوفو عااد اخوياه ماصدقو ياخذون الارقااام يااحظك ....؟! ولاااا اذا شفت خويك جالس يتصفق وتجي انت يلاااا اضربه وبكسه ومتحمس تلتفت إلا والشله كلهم يقولون ايه ايه كفو ....؟! ليش صرنا نجاهر بالمعصيه والاسلام بالسر ليش كذا كأنا رجعنا جهال مثل اول كان الاسلام بالسر والمعصيه تجاهر بها ليـــش ؟؟؟ وين ديننا وين اسلامنا وين اخلاق المسلمين وين التنافس على فعل الخير وين الاحترام ؟؟؟ بإنتظار أرائكم أعزائي |
يسعدلي ربي طلتكـ يـآأإ شُوٍـوٍقٍ
وٍأهنيكٍ عٍ إختيآرٍ الموٍضوٍعٍ ب ـصرآٍحهـ كفيتيٍ ووفيتيٍ في إيصآٍلٍ الصوٍرهـٍ .. بشكٍلٍ وٍآقعٍيٍ وٍملموٍسٍ .. لآ أقوٍل هي ، ولآٍ ، هوٍ .. بل نحنٍ جميعاً .. نأخذ موقف جذري من هذهـ الفئهـ منٍ المجتمعٍ .. ننصحهمـ ومافادٍ .. الله كفيلٍ بهدايتهمـ .. لآٍبدٍ لهمـ من صحوهـٍ .. لكن أهمـ شي مايأثر وضعهمـ علينا سلبياً .. وكليٍ فخرٍ بدينيٍ .. الايه3 من سوره المائدة (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا) تقبلي طلتي ،، .. / غروبــهـ مع ح ـبي ،، |
بصراحة يا أختي : الشوق هذا موجود بالفعل ولكن هذي ظاهره وبدأت تقل خصوصاً بعد الصحوه
التي عمت الشباب والبنات وعلى العموم كل هذا راجع للتربية التي للأسف البعض يهملها مع ابنائه وعدم تنشئتهم التنشئه الصحيحة . لانطلب منهم ان يكون الكل ملتزم ولكن أن يكون شخص ذو مبادىء وقيم اسلاميه ولايكون أمعه يردد كلام الاخرين صاحب شخصية مستقله ترسم لها هدف بالحياه ويجب علينا الاستفاده مماهو متوفر لدينا من امكانيات معطله سوى فكرية او علميه . تقبلي مروري المتواضع مع تحياتي |
أسعدتني مشاركتكم أخوتي
وطرح أرائكم ~~ تحيتي وتقديري لسموكم ~ْ} |
موضوع مهم ويسحق الحوار فيه
تبقى التصرفات تحكمها النشوه الاولى والمتابعه من قبل الوالدين تقبلي مروري |
مشكورة اختي ع طرحك الرائع
صراحة محتاجين مثل هذي المواضيع كثير وجزاك الله الف خير تقبلي مروري.. ودي..~ |
يسعدني مروركم العطر
دمتم بخير~ْ} |
| All times are GMT +3. The time now is 06:26 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا