منتديات كلك غلا

السلام عليكم اخواني واخواتي اسرة كلك غلا يسعدني ان انضم اليكم واستهل عليكم بوادر مشاركاتي
بهذه القصيدة التي احب ان احتفظ باسم صاحبها لاسباب خاصة واترككم مع الابياتالتي اتمنى ان تعجبكم مع العلم انها واقعة حقيقية وكتبت هذه القصيدة بمناسبةفإلى الابيات:

يازين زانتلك حياتك وممشاك
عساك ماتشكي من الوقت شاكي
تبقى سعيد(ن) طول عمرك بدنياك
ياغض يازملوق ياعود راكي
ياغايتي يارغبتي لاعدمناك
عسى المزين كلبوهن فداكي
لعل شيخة زينهن من فداياك
لو أنها ايه بالجمال وملاكي
عندي مايسوون المزايين ماطاك
واحلى حلى فيهن ماتسوى حلاكي
الله عطاك الزين والزين يزهاك
صار البهى متباهي(ن) من بهاكي
في خاطري ماشافت العين حلياك
وقلبي مايبغى من الهوى الا هواكي
بسلوبك ادرجته واخذته بيمناك
قلب(ن) عصى غيرك وطاوع رضاكي
أثنعش عام القلب عندك وبحماك
أصم مايسمع نداء الا نداكي
لازال مجهدلك ولازال يبغاك
ولو ابتعدتي لايزال برجاكي
امقدر(ن) بعد(ن) حصل ماهو برضاك
بعد(ن) حدى المشتاق عنك وحداكي
لو انك قريب صعيب ملاقاك
من دون لقياك الهلك والهلاكي
صارت عيون أهلك تخيلك وترعاك
تراقبك وتحاسبك وتحداكي
قامت تحدانا الضروف وتحداك
والياس صار اقرب لنا من لقاكي
الدرب دونك صار طلعات واشواك
من يوم راعيك الصحيحي رعاكي
ماعاد فيها فايده لازم انساك
ارضى العنى لنفسي ولا ارضى عناكي
موتي ولا بسبابي الناس تشناك
ولاصير انا مصدر سبب من شناكي
مارضى حد(ن) يلحق جنابك ويقفاك
سماي مايصفى لا غيم سماكي
لو أمسحك من عقلي بقلبي القاك
قلب(ن)لو انك ماحيه مامحاكي
رهين ماض ايام حبك وذكراك
وللمستحيل انه يدور سواكي
هذا الصحيح وكل شئ للاهلاك
اللي مايبكي اليوم بالغد باكي
عوايد الايام دورات الافلاك
ولابد للعاشق من الارتباكي
لاتنزعج ماهي علي انا وياك
اللي وطا ليلى وعليا وطاكي
ولاتامنين من الزمن لو صفى ماك
فعل الزمن كدر صفاي وصفاكي
ماعاد باق الا الهدايا وطرياك
لو ان ماني مخلص(ن) كد محاكي
مير ان قلبي ذكرياته محياك
قلب(ن) لغيرك باع وانتي شراكي
لو كان ابنسى القلب ماعاد يسلاك
قلب(ن) لو انتي نسيتيه ماسلاكي
عيا يطاوعني وانا ماني بوياك
اعذل والا ماعذل مانساكي
العلم واضح والحقيقة ماتخفاك
غصب(ن) علي اصد لو كنت اباكي
اصبر على حرمان حبك وفرقاك
حكم الزمن غصب(ن) علي وعلاكي
وسلامتكم