منتديات كلك غلا - ياليت الهاتف.............

اعجبتني وطرحتها لكم

ياليت الهاتف اللي جاب صوتك ماتجيه قطــوع
ياليــتك ماتفــارقني .. ولا تـطــري تـوادعـــــني

ابيك تسلي الخـاطر .. واســلي قلبي المفجــوع
بعـد فرقـاك .. يــوم ان الليــالي منك تقطــــعـني

لو انك شفتني بعــــدك وانا عيني تهل دمــــــوع
لو انك شفتني يـــوم الفـــراق الصعب يفجـــعني

ترى حالي .. بعــد فرقاك حــال التايه الموجـوع
غــريبٍ في ديارك .. والــدوا ماعـــاد ينفــــــعني

ولا ينفعني الا الشــوف .. ولا صـوتك المسمـوع
بعـــد ماضـــاقت الدنيــــا بـوجهي لا تلــــــــوعني

ابي اسمعـك صــوتي وانت كلمــني بكل اسبــــوع
امـــانه .. كل راس اسبـــوع صــوتك لا يقاطــعني

تشوف الارض لاجاها الحـيا واستبشرت برجــوع
تراني مثلهــا .. صــوتك على الدنـــيا يرجـــــــعني

تجي مثل الحــيا وســط الصحاري والحــيا متبـوع
يبل القــــاع وانت تبل ريقــــي بس تمنـــــــــــــعني

ترى مافيه عيـــب اني عشقتك والهـــوى مشروع
لــو اني خـــابر انك منت حــولي بس تســــــمـعني

انا لاغــاب صــوتك صـرت من كل البشـر مقطوع
مااشــــوف الا انت مخلــوقٍ على الدنيا يمتــــعني

متاعي في حياتي .. والرجــا في شــوفتك ممنـوع
عسى ربــــي يمتــعني بصبــرٍ مــا يضيــــــــــــعني

احبــك .. والمحبــــة تختلف مابيــــن نـوع ونـوع
وحبــك نوعــه النــوع الشـــــــديد اللي يروعني !

احبـــك بالمسامع والمشاعر والضما والجـــــوع
وبكل احســـاس صـدقٍ بالمحبــــة فيك يجمـــــعني

صعيبٍ من صعــــوبة حبة الرجـــال راس الكوع !
وانا يامـــا نهـيت القلب عنك ولا يطـــــــــــــاوعني

تغيب .. وتتبـــعك دقــات قلبي بين غصب وطــــوع
وانا مـــابين بعــد وقــرب .. وين الله مــــوزعني !

اكيــــد انك بعيــــد ولا يبي له بحث هالموضـــــوع
لكن القلب لامنه سمـــــع صــــوتك يشجــــــــــعني

يشجــــعني على التفكيـــر فيك .. ويجري الينــبوع
مثل مجـــرى العروق بدمـها .. والشــــوق يدفعني