منتديات كلك غلا - خذ دمعتي والتناهيد ... للشاعر إبراهيم محمد السهلي

بسم الله الرحمن الرحيم

السلام عليكم ورحمة الله وبركاته

..

..

خذ لوعتي خذ دمعتي والتناهيد ..

.. وعطني من ايامك سرور وسعاده

أزريت اكرر لك من القول واعيد ..

.. واشوف تعذيبك غدا في زياده

يانور عيني ليه طعت الحساسيد ..

.. وابعدت عن من هو كشف لك وداده

وانا الذي ماطعت سعدون وسْعيد ..

.. واخلصت لك بالحب من غير فاده

فيما مضى تصدق معي بالمواعيد ..

.. واليوم قلبك مسرف ٍ في عناده

وان قلت قرّب صرت بغيابك تزيد ..

.. وخليتني بعدك طريح الوساده

والقلب كنّه فوق نار المواقيد ..

.. هذا ولا ظني بيلحق مراده

حيّرتني واشقيتني يا اتلع الجيد ..

.. عليك جفني ما اهتنى في رقاده

..

..