منتديات كلك غلا - الدمعه اللي تكابـر .. فـي طـرف عينـي .!

http://www.ghyoom.com/ib/style_image...dpr/spacer.gif

الدمعه اللي تكابـر .. فـي طـرف عينـي .!

يردها ( الموق ) بس ( الجفن ) ,,

حدرها .!!

سمعت صوتـك مـع العالـم .. ينادينـي .!

وأزريت لا ردهـا ..

بالعيـن واسترهـا .!!

وصديـت مـاودي ان النـاس ..

توحينـي .!

مثلي يموت ودموعـه .. صعـب ينثرهـا .!!

ويخنقني البوح .. بـس القلـب يعصينـي .!

ويبقا بوسط الصدور .. وفـي خواطرهـا

.!!

والحزن لونـي خفيتـه .. واضـح ٍ فينـي

.!

ورد على القلـب .. والفرحـات صدرهـا .!!

والبسمـه الـي تبينـي .. بـس تخطينـي

.!

متى على الله .. يجيهـا يـوم وأظهرهـا .!!

ألآحي الـورق .. مـدري هـي تلاحينـي

.!

أوَن وتسجـع .. و ونـاتـي تكـررهـا

.!!

لبيـه يـا ذكرياتـي .. وأجمـل سنينـي

.!

ويا قصة ٍ عايشه لـو مـات .. آخرهـا .!!

وين أنت يـ/ أول غرامـي .. يـا معنينـي

.!

وين أنت يـ/ أغلى ذنوب القلب ..

وأطهرها .!!

أصحى وطيفـك .. معـا زولـي يبارينـي .!

وأرقد واشوفك .. مع أحلامـي تباشرهـا .!!

مدري تناسى غصَـب أو أنـت .. ناسينـي .!

ومدري عهودك وش الي صدق ..

غيرها .!!

واليوم ..

وينك بـ/ هالدنيا .. وأنا وينـي .!

طالت ليال الفراق .. بـ/ عين ساهرهـا

.!!

كم قلت ( توبه ) .. ترا مـا عـاد تعنينـي

.!

إن جات لـ/ النفس .. نفسي يمكن أقدرها .!!

واليا أظلم الوقـت .. هوجاسـي يسرينـي .!

ويضيق صدري ..

و كل أيامـك أذكرهـا .!!

وتبيني .. أنسى .. وأنا مـا عـاد يمدينـي

.!

لو شفـت حالـي ..

قسـم بالله تعذرهـا .!!

أصبَر الحـال .. فـي قولـة بـ/ ياتينـي

.!

وأنا أدري إني .. أببطي .. لـو أصبرهـا

.!!

وقصايـدي فـي غيابـك .. مـا تسلينـي

.!

لو تطرب الناس .. تشكي جرح شاعرهـا .!!

والنفس تشكي زمان ٍ .. صـدق مشقينـي .!

حتى أنت يـ/ أغلا البشر .. تبعد وتحقرها

.!!

والدمعه الـي مـن الوحـده .. تواسينـي

.!

اللي مـن آخـر لقـا .. بالله خابرهـا

.!!

شفها تكابر وترجف .. في طـرف عينـي

.!

ولاني عقب شوفتك يالزيـن .. ذاخرهـا .